藝人張振朗出席佛誕嘉年華活動，擔任嘉賓在台上演唱國語歌，首次現身大型佛誕活動的他坦言非常緊張：「因為要唱國語歌，好驚講錯嘢，之前都有預備。」他又表示今天腸胃不適，臨出場前也要先去洗手間，說：「尋日拍《馬家開飯》食咗十幾個鐘，可能食得太多嘢，拍劇拍40個鐘都冇咁辛苦！（做運動消耗番？）其實已經瘦咗，睇番《踩過界》嘅片，嗰時有肌肉，而《全職沒女》就係肥腩！」
問到女友陳芷尤有否指他肥？他說：「當然肥好攬啲啦！自己都想肥啲，操番大隻啲，健康啲。」
此外，張振朗表示最近忙於為劇集《全職沒女》宣傳，經常與拍檔陳瀅四出做訪問：「好開心，依家多咗人識，冇再扮任何人，做番自己。」他又指與陳瀅拍攝的宣傳搞笑片，在無綫Facebook專頁「See See TVB」上載不久已有90萬次瀏覽：「喺片裏面我着得好性感，得條孖煙囪，畀陳瀅掌摑同攻擊下體，好搞笑！」
Search